講起去台中玩,好多人都會選擇去埋南投清境.一個已經俾香港人去到爛既地方-清境 - 有啲咩玩,依邊唔多講,你地都好熟架喇.今次繼續講返住宿. - 山上面既住宿種類好多,價位亦好參差.貴到去老英格蘭3000港紙一晚又有,平到去百零蚊都有. 但係係咪住到3000幾蚊晚就一定好正呢.咁又未必,因為去得清境都係想睇風景⛰ - 講到睇風景最靚嘅住宿,一定係我嚟緊介紹依一間.為返港紙$1000蚊左右.依間住宿周圍一間屋都冇,而且係一間獨立兩層嘅玻璃屋,完全可以享受到真正嘅大自然⛺️ - 玻璃屋入面第一層係客廳廁所.上面就係床.住宿仲可以打個電話叫餐廳接你去食嘢.因為始終個地點唔算太方便,如果要行路嘅話行死人,一係自己揸車. - 依間野上Airbnb就會搵到:清境螢營的天空玻璃屋